Calle Dolores 2
15402 Ferrol
Teléfono [34] 981 35 27 19
Fax [34] 981 35 27 19
ROSA
MÉNDEZ
QUIZAIS deba ser eu
quen te agarde,
meu amor,
alí,
onde o tempo esmorecente
xa non rube
pola alma;
quizais deba adiantarme
por
ter preparado o leito
e
esa mar tendida que acontece cando miro
-non máis
que cando miro-
no
fondo dos teus ollos,
tan
azul coma o teu vento.
E rubiremos, sen presas, ata o cume
dourado
da
Pena de Racamonde,
e
voaremos ó Fontardión
-atrelados os degoiros-
para baixar devalando risos polas augas
do
Belelle;
as
velas serenamente izadas,
as
horas eternamente nosas.
De: O Raio Verde (en imprenta, ed. Espiral Maior)
AGÓTASE
O MILENIO
brandindo escravos
a moreas de morte postergada.
E noite segue a rubir,
ensanguentada,
polo terceiro,
cuarto, quinto
e polo sexto mundo.
Segue a estourar
a violencia
tralas fiestras
pechadas das nosas rúas maiores;
e hai
mulleres que apodrentan entre o fastío
e o medo,
homes tristes e abaixados de ter sido
tan diariamente tristes,
meniños apreixados
con argolas de cor plastificada.
E todo continúa aí,
á nosa
beira dourada e inmediata.
Todo continúa aquí,
coa
súa frescura indemne tralos
séculos.
Mais,
nesta noite, desexo perturbar ás tépedas conciencias,
levar
a cabo un disturbio da desorde pública,
berrarlle
a este mundo meu
un
atado de verbas cinguidas con espiños;
velaí
o vómito anoxado e inmediato:
Malaventurada a cegueira
dos que son tolerantes cos intolerantes,
porque nolos
imporán ás horas cotiás.
Malaventurados os violentos e os escuros
porque nos encherán
de rabia extrema e acedade.
Malaventurados os que calan
porque outros
ocuparán os seus ocos
silenciosos.
Malaventurados os demócratas prudenciais
porque fan do respecto
convencional a súa máis
grande norma.
Malaventurados os que viven de costas ás tensións éticas
porque dormen
nun liberalismo insolidario
e necio.
Malaventurados os neutrais
porque o neutro pode ser armamento
dos extremos.
Malaventurados os mansos
porque deles
é, ás veces, a derradeira
culpa.
De:
Poemas anobelados
no tempo (Ed. Espiral Maior,
2000)
Calle Dolores 2
15402 Ferrol
Teléfono [34] 981 35 27 19
Fax [34] 981 35 27 19