Neste libro se amosa, a través de preto de setenta fotografías, un percorrido fotográfico por este municipio da comarca de Santiago de Compostela no que destaca o histórico e mítico Pico Sacro, na parroquia de Lestedo, desde o que se divisa un territorio rico en patrimonio cultural e tamén natural.
“Boqueixón, a paisaxe infinita” nos somerxe, ao longo dunha sucesión de fermosas imaxes, recollidas pola cámara de Ramón Vaamonde, polos lugares máis emblemáticos do municipio, constituíndo unha guía que nos invita a gozar das súas excelencias.
Na publicación se fai un percorrido polo patrimonio cultural espallado polas catorce parroquias do municipio, destacando a igresa prerrománica de San Lourenzo da Granxa, ou a románica capela de San Sebastián no Pico Sacro, os pazos de Quián e de Pousada, o cruceiro de Rubianes, e un bo número de ogrexas adicadas a Santa María, San Pedro, Santa Eulalia, San Verísimo e San Vicente.
A beleza paisaxística de Boqueixón tamén está reflectida nos seus fermosos recunchos naturais, destacando as fervenzas de Serra, Vigo e Codesedo; ou na significativa beleza da ponte medieval de Ponte Ledesma cos seus nove arcos de granito, rodeado dun espazo natural único, ao que se engaden as áreas recreativas de Sucira, Gastrar, San Paio e as illas de Gres.