A nosa charca é un sitio singular, aos animais do bosque gústalles moito pero un, dous, tres plof! que ocorreu na charca? A abella, a mosca, a xoaniña, o caracol, o coello, o ourizo e ata un elefante desfilarán por este divertido conto que se desenvolve cunha estructura acumulativa-repetitiva e utiliza letra maiúscula para o texto. Unha aventura que fará rir e gozar a péquechos, atraeralles polo dinamismo, colorido e expresividade das súas ilustracións e sorprenderanos a todos polo seu final. Un libro perfecto para desenvolver as súas habilidades lingüísticas (expresión oral e capacidade comunicativa) participando na narración e favorecendo a comprensión lectora, ademais de traballar e exercitar a súa memoria, fomentar a lectura e, sobre todo, a risa.