París, Bordeos, Xénova, Roma, Monte Cassino, Amsterdam, Salamanca, Rio de Janeiro... A pegada das viaxes son as impresións persoais recibidas por Fernández del Riego durante demorados percorridos por terras ibéricas, europeas e sudamericanas. Recordos, citas literarias, cultura e paisaxe... mergulla na esencia das cidades polas que pasou nalgún tempo cunha sensibilidade exquisita, a través dunha visión impresionista chea de autenticidade. O lector viaxa a través da prosa fluída de Del Riego integrándose na cultura e paisaxe de cada itinerario, converténdose en algo máis que nun mero viaxeiro.
