Michelle Obama decide percorrer unha parte da ruta xacobea, alá polo 2010, mentres o seu esposo, dende a Casa Branca, dirixe o destino do seu país e tamén de gran parte do mundo. Na peregrinación, acompáñana unha serie de personaxes (escolta, intérprete, secretaria...).
A primeira dama experimenta as ensinanzas do Camiño, reflexionando sobre as súas propias impresións, á par dos sucesos que teñen lugar entre as persoas que a acompañan e as que van aparecendo no roteiro. Pouco a pouco, vai espertando a expectación entre as xentes do lugar. O relato está narrado cun toque de humor e retranca galega, difícil de entender pola nosa protagonista.
