A tempada investida no estudo e investigación deste período pasado recente, cuxo froito é o libro que agora teñen nas mans, ratificou unha sospeita: Nos anos 30, en Cerdedo non se contendeu pola supremacía ideolóxica, non se lidou a sangue pola primacía duns ideais; a dereita cerdedense perseguiu e matou polo restablecemento da súa orde, pola perpetuación dun status de privilexio.
ISBN 978-84-15166-63-4
Páxinas: 554
Encadernación: Rústica
Ensaio, Historia, política, II República, Franquismo, Cerdedo
Formato: 142 x 230 mm
PVP: 24 €
Calros Solla (Pontevedra, 1971) é profesor de lingua, etnógrafo e escritor. No eido poético, foi merecente en 2010 do premio Johán Carballeira de poesía. É artífice dos itinerarios culturais Roteiro Sarmento (Cerdedo) e Roteiro da Montaña Máxica (monte do Seixo), inseridos no seu Proxecto Montaña Máxica, co que porfía, a carón da colección de ensaios Cerdedo in the Voyager, na dignificación da terra cerdedense. En colaboración co Grupo de Estudos Etnográficos Serpe Bichoca realizou o documental Monte do Seixo. A Montaña Máxica (2009). Ao seu labor investigador e creativo engádese a súa faceta de conferenciante no ámbito da mitoloxía popular e da defensa do patrimonio. Adoito colaborador da prensa escrita, mantén na internet o blog O Embigo do Becho
