A finalidade de Bambú foi visibilizar e denunciar a violencia patriarcal no ámbito familiar e ser, ao mesmo tempo, o petardo, mina ou granada que explote nas conciencias, golpeando, removendo.
O artefacto confórmao a voz dunha muller que percorre as estancias da casa na que se produxo a violencia: dende o berce, pasando polo corredor, a cociña, a sala de estar, ata o balcón, no que unha planta de bambú é o elemento protector.
A edición, coidadísima e orixinal, é bilingüe (castelán e galego) e leva incorporado un plano da casa despregable a modo de ilustración, realizado pola arquitecta Pepa González.
