Novela de aventuras que se desenvolve no século XIX e que comeza na Costa da Morte para leva-los seus protagonistas a lugares tan afastados e exóticos coma Veracruz. Protagonizada por un rapaz orixinario dos arredores do cabo Vilán, a narración comeza cun ataque dos piratas a aquela costa e co conseguinte saqueo e matanza q ue vai se-lo estímulo para que o protagonista se embarque nunha serie de aventuras seguindo as pegadas do pirata Arripai. Con eficacia narrativa e asemade orixinalidade estilística, Rafael Lema artella un texto moi atractivo para o lector xuvenil e consegue achegar á realidade dos rapaces de hoxe tanto unha época coma un xénero que é dos xa clásicos dentro da literatura de aventuras na liña do Stevenson de A illa do tesouro
