Da man do selo galego edicións do Cumio, que xa editara o seu primeiro traballo, o humorista de Arzúa vén de publicar "Que leria a daquel día…", volume no que se recolle unha nova sesión de contos deste artista que se deu a coñecer nas noites do Luar e que, dende aquela, non parou de ofrecer actuaccións por todo o país. A edición deste disco vén asegurar a Lito de Arzúa como un dos novos contistas galegos, que co seu humor universal tocado por unha marcada raigame galega, se consolida como unha das figuras máis prometedoras do panorama humorístico actual. Co lanzamento de "Que leria a daquel día…" teremos ademáis novas oportunidades de ver a Lito en directo.
