TRADUCIÓN DENDE O INGLÉS DE ESTELA VILLAR NOGUEIRA
A adolescente Johanna Morrigan convértese en Dolly Wilde, e comeza a dedicarse á crítica musical nunha revista londiniense. Entre concerto e concerto, a protagonista relata sen papas na boca os seus esforzos por converterse en adulta a base de fumar, beber e deixar de masturbarse con todo tipo de obxectos para pasar ao sexo con todo tipo de homes.
Despois do provocador Como ser muller, Moran continúa a súa peculiar indagación sobre a feminidade con esta narración realista, descarnada e chea de humor.
Podes ler as primeiras páxinas do libro aquí.
Esta obra recibiu unha axuda da Secretaría Xeral de Cultura, Consellería de Cultura, Educación e Ordenación Universitaria da Xunta de Galicia, na convocatoria de axudas para a tradución do ano 2018.
ISBN: 978-84-17388-28-7
Nº páxinas: 354
Encadernación: Rústica con lapelas
Medidas: 135 x 215 mm