Os veciños de Salcedo posúen dende tempo inmemorial a propiedade colectiva do Monte comunal de San Martiño. Un monte identificado coa súa identidade parroquial e que foi, dende a Idade media, a base principal da súa subsistencia. Esta é a historia do uso tradicional do monte e da loita dos comuneiros de Salcedo polo dereito a súa lexítima propiedade e a súa explotación. Cen anos de historia na voz dos seus protagonistas: os comuneiros de San Martiño de Salcedo.
