Esta novela visionaria, na que Deus e Goberno se unen e América se converte nunha teocracia puritana, pode lerse como un volume de acompañamento do 1984 de Orwell, como o seu reverso, de feito.
— E. L. Doctorow —
Sobre a obra
Tras un golpe de Estado, os Estados Unidos de América convértense na República de Galaad, un réxime teocrático cristián no que as mulleres fértiles que os seus mandatarios consideran indignas de exercer como nais son condenadas a servir como «criadas». Pero os servizos que deben prestar non son domésticos, senón reprodutivos: a súa función é enxendrar os fillos das mulleres estériles das elites do réxime.
Sobre a autora
Nada en Ottawa en 1939, Margaret Atwood iniciou a súa carreira literaria como poeta na década de 1960. En 1969 publicou a súa primeira novela, The Edible Woman, unha sátira sobre o consumismo. Durante as décadas seguintes seguiu publicando tanto narrativa como poesía e ensaio, cun especial interese por temas como o feminismo, as relacións de poder e a natureza.
Cun prestixio xa afianzado, a publicación de O conto da criada en 1985 supuxo a consagración definitiva de Atwood. Con esta novela gañou ese mesmo ano o Premio Arthur C. Clarke no Reino Unido e mais o Premio do Gobernador Xeral ao Mérito Literario en Canadá e foi finalista do Booker ao ano seguinte, entre outros galardóns.
… esta novela parece máis vital aínda a día de hoxe, cando as mulleres en moitas partes do mundo viven vidas semellantes, ditadas polo determinismo biolóxico e a misoxinia.
— Charlotte Newman —
ISBN: 978-84-948421-3-9
PVP: 19,50 €
432 páxs.
128 x 198 mm.
Encadernación rústica.
Tradución: Celia Recarey e Carlos Valdés.
Ilustracións: Carlos Valdés.