Esta escolma de contos foi publicada orixinalmente en 1911 da man de Sophia Morrison que se preocupou de recollelos antes de que desaparecesen do imaxinario popular e mentres as verbas en manx aínda os enriquecian. Tempo despois, no ano 2013, Bob Carswell fixo unha reedición en engadiu outros contos que non estaban na primeira versión. Ese libro ilustrado con fermosura por Julia Ashby, é unha pequena obra de arte. Ademais, co afán de manter viva a súa cultura, inclúe a gravación de quince das historias alí escritas onde se aprecia con claridade o sabor que o inglés foi adquirindo nesa terra. A Illa de Man era moito máis grande do que é agora. Un mago gobernouna durante moito tempo. Para vingarse dun dos seus inimigos, levantou un vento furioso no aire e na terra. Ese vento fragmentou o terreo en varias partes e tirounas ao mar. Flotaron e convertéronse nas perigosas rochas que agora temen tanto os barcos.
