En “Do Suízo ao Ideal Room. Rodolfo Ucha e os hoteis de Ferrol modernista” Juan David Díaz López aborda a historia das hospedaxes en Ferrol desde 1779 -data na que desembarcan en Ferrol os que serían presidentes dos Estados Unidos de América, John Adms e o seu fillo John Quincy Adams, que pararon, por certo, nunha humilde casa de hóspedes da rúa Magdalena rexentada por unha tal “Pepa, la Botanera”- ata que culmina a súa vida como hotel urbano o lembrado “Ideal Room” xa na década de 1950. Unha historia, pois, chea de interese e atractivo cunha peculiar microhistoria.
