«Gramo Stendhal é un libro de furia, de autodestrución e procura. É un mundo pequeno reflectido no fondo dunha culleriña de café. Todo invertido do fondo da culleriña, os pequenos piñeiros, o pequeno pico do tellado da casa, a diminuta cabeza da muller que a mira como querendo ler o futuro nos pousos. E tamén a furia do océano e a paciencia. O desgaste deste sobre os cantís de pedra». A editorial Apiario describe deste xeito o último poemario individual de María Lado Lariño (Cee, 1979). A obra vén de saír do prelo, baixo a colección Cera Labrada e cun deseño de Mauro Trastoy.
La Voz de Galicia