Artefacto co nome de Lúa plenur que se compón de dous libros de poemas completamente ilustrados con colaxes feitos a man por min e logo impresos. A cada páxina co seu poema vai engadido cadanseu colaxe. Os libros no interior de Lúa plenur son "Araña estupefacta no teito branco" (capa vermella), por unha banda, cunha antoloxía de poemas máis antigos e "Paper" (capa negra) con outra antoloxía de poemas digamos máis recentes?
Eu xa teño publicado outros libros tempo atrás. Con Positivas "Subir ao faiado" no 2004 e anos despois, no 2009, tamén individualmente, coeditei coa editorial Duendebux de Ourense, o libro "Azúcar glass" Da mesma maneira teño participado en libros colectivos varios como o primeiro de "A porta verde do sétimo andar" ou co Círculo poético aberto de Vigo o libro "18" etc
