É este un libro de bruxas namoradas que non poden mostrar o seu amor, de ras saltaricas que aprenden da intelixencia e bondade, de fadas que arrolan nenas pobres, de mundos cobizados e afastados que impiden ver o próximo, dun país harmonioso e de anxos rebeldes, de amores imposíbeis pola condición social e dun empregado especialmente eficiente.
Sete relatos nos que, cunha rica e variada linguaxe, se mestura a nostalxia e a ironía.
