Nesta obra o autor busca a defensa e o respecto do topónimo da terra de Vigo, sen distingos xerárquicos no momento de tratar tanto a urbana como a rural. Os nomes van irmandado polo contido ou significado de cada un e co intento de rachar a dicotomía irracional que divorcia o urbano do rural. Este libro, que debuxa un fermoso mosaico de lugares da xeografía viguesa, quere ser tamén un agasallo a eses nomes de lugares cativos, esquecidos, que constitúen pequenas xoias lingüísticas cheas de significado e de historia miúda.
