"Chámome Edgar Nau e son descendente por liña directa de Jean François Nau, coñecido como o Olonés, pirata sanguinario que fixo vivir días de horror polos mares e as costas do Caribe no século XVII. Son perfectamente consciente, por suposto, de que esta é unha forma bastante estraña de se presentar, sobre todo vindo dun estudante de Bacharelato normal e corrente, pero é a mellor maneira de entender a aventura que me levou á inmensidade do Atlántico e á experiencia máis desconcertante da miña vida."
