Sinopsis
Ó longo de tres anos, un mozo de Damasco escribe o seu diario persoal, no que recolle non só as súas vivencias no paso da infancia ó mundo adulto, senón tamén a vida da súa cidade, na que conviven diferentes culturas e na que se dan situacións moi inxustas. O protagonista ten que abandonar a escola para traballar na panadería do seu pai, e decide fundar cos seus amigos un xornal clandestino no que denunciar as desigualdades que afogaban o pobo sirio nos anos 80.
Autor: Schami, Rafik
Schami, Rafik
Rafik Schami naceu en 1946 en Damasco. Na súa mocidade editou durante tres anos un xornal nun barrio da súa cidade. Debido á censura, en 1970 fuxiu ó Líbano e un ano despois emigrou a Alemaña, onde obtivo a licenciatura en Química e traballou na industria. Na actualidade reside en Mannheim e dedícase exclusivamente á literatura. A publicación de Un puñado de estrelas en 1987 reportoulle un grande éxito de público e crítica. Schami demostra ser un escritor de fondas raíces árabes e, ao mesmo tempo, un escritor universal.