Cunqueiro, revelador de invencións certeiras, fabulador máxico de sereas, de máquinas e demos enfrontados, de todas as fábulas imposibles e reais. Cunqueiro en Mondoñedo, en Compostela e en Vigo. Don Álvaro a encher Galicia, de flores e palabras, nesas primaveras para a lingua galega coas que el soñou. Del Riego ofrece a crónica da figura máis relevante da literatura galega contemporánea dende a amistade de toda unha vida forxada na defensa dunha idea común: o galeguismo.
