Castelao compuxo o mellor painel de coñecemento histórico, social, artístico, legado pola contemporaneidade. Sen a súa achega, a representación da Galiza estaría moito máis fragmentada e oculta. Representan, a súa obra artístico-literaria e o seu pensamento e actividade política, un autentico antídoto contra o minifundismo, porque nos significou e nos universalizou a través de espellos non falsificados. É proba do que dá de si o povo galego, cando a vontade de existir autonomamente se traduce en práctica social e cultural, e el proprio contribuíu a exhibilo, a facelo certo.
