O xornalista José Precedo, analiza nunha reportaxe en profundidade o ascenso e caída política de Conde Roa. O Alcalde da capital galega que dimitiu do cargo o pasado abril por presunta fraude á Facenda Pública.
Conde Roa, caso perdido [en español]
Primeiro título da colección Xornalistas, centrada en reportaxes, ensaios e outros textos de xornalistas galegos sobre temas de interese que lle afectan ao noso país. Neste primeiro título, Conde Roa, caso perdido de José Precedo analiza en profundidade as causas e os efectos do ascenso político de Conde Roa. Con prólogo de Xosé Hermida, editor de El País Galicia, e fotografías de Óscar Corral.
José Precedo (Sigueiro, 1976). Xornalista de El País, onde se ocupa da información do presidente Feijóo, e a crónica parlamentaria. Antes traballoucomo reporteiro na Cadena SER e participou como enviado especial na cobertura da catástrofe do Prestige que mereceu o Premio Ondas ao Mellor Tratamento Informativo en 2003. Nesta cadea dirixiu infromativos da fin de Semana en Galicia. Antes traballou como redactor de infromativos de Tele 5 e colaborou con outros medios como CNN+, TVE, Localia e Expansion TV.
Óscar Corral (Santiago de Compostela, 1981). Comezou a traballar como fotoxornalista en 2003 en La Voz de Galicia para dar paso despois a colaboracións con outros medios como ABC e Faro de Vigo. Máis tarde ocupouse en tarefas de fotografía institucional na Xunta de Galicia. Actualmente colabora con El País e a axencia EFE.
