2.0 Editora publica o Manifesto de economistas aterrados, unha obra redactada en 2010 por un grupo de economistas: Philippe Askenazy, Thomas Coutrot, André Orléan e Henri Sterdyniak que, tras a crise provocada polas hipotecas de risco, manifestaron sentirse aterrados ao evidenciar que, malia desfeita financeira, nada cambiara nos discursos a prol do liberalismo económico nin nas políticas económicas que provocaran a crise económica máis grave do mundo desenvolvido desde o crash de 1929.
Saída xusta e económica e socialmente sustentable
O texto que recolle as «falsas evidencias» que «explican» a crise económica e propón as correspondentes solucións que trazarían unha saída xusta, solidaria e económica e socialmente sustentable. Propostas, todas elas, que expresan a necesidade dunha outra acción política orientada á cidadanía, con medidas orientadas á redistribución fiscal, á igualdade de oportunidades e ao cuestionamento da suposta eficiencia dos mercados. 10 falsas evidencias coas súas correspondentes propostas de acción política nas que os economistas aterrados avogan por coutar o poder das finanzas e liberar aos gobernos da presión dos mercados, pero tamén por facer esforzos para definir unha fiscalidade moito máis redistributiva e abrir outros espazos de políticas posibles para facer sustentable o Estado de Benestar e xestionar de xeito mancomunado maiores recursos orzamentarios na Unión Europea.
