O libro que ten nas súas mans relata a sorprendente historia de Esteiro, parroquia do Concello de Muros, aínda que podería ser a de calquera vila da nosa Galicia costeira das que xurdiron ou se dinamizaron tralo establecemento dos autodenominados "fomentadores" cataláns a primeiros do século XIX. Precisamente o ámbito xeográfico e temporal do seu contido é o que o fai realmente novedoso, xa que nos mostra como era a vida e a actividade económica nestes lugares a partir de documentación na súa meirande parte inédita.
