Negra Sombra! Negra Sombra e outros contos comeza cunha historia que chega setenta e catro anos despois de terse producido. Un asasino tenta, xa enfermo terminal, desfacerse dos seus horríbeis crimes. Xuntárase cos falanxistas de Tui nos días do 36 e con eles participa en mortes e torturas sobre homes e mulleres de esquerdas. Unha confesión que chega por medio de cartas para abrir con elas, de novo e sorpresivamente, a Historia.