Esta historia de reminiscencias kafkianas xira ao redor dun puzzle incompleto, dunha peza perdida. Un Home recluído no seu mundo particular verase obrigado a abandonar a súa rutina para loitar contra o progreso industrial. Unha Secretaria que aproveitará a oportunidade que o destino lle brinda para facer xustiza á memoria do seu avó. E a Fábrica, programada e automatizada para producir os mellores produtos sen precisar de xente que traballe nela. Ao final, todas elas son as pezas que faltan para completar o noso Puzzle.
Por primeira vez traducida ao galego, Fausta Cardoso móstrase coma unha narradora maxistral, capaz de construír tramas ao redor de estereotipos aos que dá vida e voz propia, creando personaxes globais á vez que particulares.
