Sinopsis
Vilja marcha de vacacións á casa da súa avoa cos pais e coa irmá. De súpeto, unha furgoneta interrompe o seu paso e a protagonista é secuestrada. Os seus raptores son os Bandiden, unha familia de estrafalarios ladróns de golosinas e chocolates, botín que eles prefiren antes cós cartos, xa que non saberían que facer con eles. A rapaza pasará o verán máis emocionante da súa vida con eles, durmindo ó aire libre e gozando de grandes enchentes de doces. Así descubrirá outro tipo de familia e outra forma de vivir, máis anárquica ca convencional.
Autor: Kolu, Siri
Kolu, Siri
Siri Kolu é dramaturga, directora e profesora de teatro. O seu libro máis coñecido, Os Bandiden, recibiu o Premio Junior de Finlandia no 2010, foi traducido a uns vinte idiomas. Esta obra, primeira entrega dunha saga de aventuras, deu pé a unha película. A Kolu gústanlle os cans, as películas de catástrofes, os feiróns, os cadernos sen liñas, as artes experimentais, os edificios abandonados e perderse en novas cidades.