Uxía chega dende Madrid para pasar o verán a canda a súa avoa na vila costeira de Combarro, onde prevé longos días de aburrimento. Porén, todo muda cando descobre un segredo familiar: pertence a unha estirpe de meigas. Así, entre rifas co adorable cadelo Puscas, trepidantes misións e maxia antiga, a rapaza comprenderá que certas aventuras aparecen xusto cando máis falla fan, que os hórreos son ben máis do que aparentan ou que a vida en comunidade atesoura un extraordinario valor.
