AA.VV
¿Como sería poñerse na pel de Gloria Fuertes para contar a súa vida e convertela nun conto?
Todo o universo de Gloria Fuertes nun conto biográfico onde a historia transcorre nun só día.
Un paseo polo Rastro madrileño convértese nunha viaxe por toda a súa vida e obra. O mago Majareta, Pirulín ou Coleta reaparecen nesta aventura cargada de humor tenro para toda a familia.
No 25.º aniversario da súa marcha, Ramón D. Veiga e Iván R., autores de Miñoca e coello, fan un exercicio redondo no que a autora (esta vez personaxe) e todo o seu universo volven para lembrarnos que seguen estando na nosa memoria colectiva.
A colección "Os meus amigosö recrea a vida ficcionada de grandes escritores e escritoras. Unha oportunidade única de transmitir aos nosos fillos o espírito daquelas figuras da literatura cuxas historias marcaron a nosa infancia. Unha viaxe á infancia para moitos e unha razón máis para homenaxear ás grandes figuras da literatura.