"A rota do sol. Unha mirada no que pasa" é o título da nova obra ensaística dun dos grandes referentes do nacionalismo galego, Camilo Nogueira.
O volume, editado por Laiovento, aborda o estado da cuestión nacional galega en particular e do mundo en xeral nestes tempos de crise política e económica-financeira.
Indaga tamén o autor na personalidade histórica diferenciada de Galiza, na condición do galego como lingua propia e na capacidade social e económica propia para sustentar o pleno autogoberno.
O carácter da UE, a problemática das nacións sen estado ou as relacións coa Lusofonía son algúns dos eixos centrais sobre os que pivota esta nova entrega de Camilo Nogueira.
"A rota do sol". Camilo Nogueira.
