Accésit Premio de Literatura Infantil Simbad para o Recordo e o Alzhéimer 2022
O avó esquece as caras dos seres queridos e queda perdido no mundo do nada onde o esquecemento lle rouba as ganas e os soños e agóchaos en caixas. A neta loita por el, colléndoo da man para que non se renda, e recupera esas lembranzas agochadas que compartiron para que non se perdan para sempre no fondo pozo da desmemoria.
