Tradución do italiano de María Cristina González Piñeiro
Dez, como os mandamentos. Unha historia por cada imposición bíblica. Esta novela en forma de relatos retrata de preto as múltiples e dolorosas situacións límite que teñen lugar no contexto pechado e claustrofóbico dos suburbios de Nápoles. Un microcosmos enfermizo, conformado por canellas escuras, especulación atroz e esperanzas truncadas, onde as primeiras leis de convivencia humana parecen subsistir a modo de mera burla cruel. Andrej Longo encárgase de trazar o mapa da dor, da violencia, das condicións degradadas de vida, en que o ser humano resulta somerxido e esmagado pola miseria que contribúe a producir.
