O libro Galicia, o galego e os galegos trata de redefinir e dignificar a idea que se ten de Galicia e dos galegos, o pobo penínsular, segundo o autor, de máis marcada personalidade diferenciada de todos os que forman o actual Estado español. Coa publicación de Galicia, o galego e os galegos Cabeza Quiles quere axudar a que Galicia sexa revisada, visible e respectada. Con esta teima, o autor ofrece ao lector un percorrido pola historia e a xeografía física e mental da nosa terra.
