A comprensión científica dos fundamentos do imperialismo preséntase como unha necesidade para a acción revolucionaria. No contexto actual, marcado pola crise capitalista e pola escalada bélica promovida polo bloque imperialista liderado polos EUA contra os pobos do mundo, a cuestión do imperialismo recobra plena actualidade. Porén, esta obra vai alén das súas manifestacións máis visíbeis para afondar nas súas raíces, sistematizando a experiencia histórica como base para comprender as tarefas políticas do presente e as vías para a derrota do imperialismo e a súa superación revolucionaria.
