O libro está adicado á figura de don Antonio Castro García, que foi alcalde de Santiago de Compostela, cidade que amou e pola que loitou ao longo da súa vida, e destacado membro do Consello de administración do xornal El Correo Gallego. Ademais, e por decisión do editor, unha parte da recadación pola venda de exemplares de este libro será destinada á Fundación ANDREA, de apoio aos nenos con enfermidades de longa duración, crónicas ou terminais.
“Santiago en branco e negro” recolle unha recompilación de coidadas instantáneas de moi variados recunchos e coñecidos lugares da capital galega capturadas polo obxectivo do fotógrafo Alberte Peiteavel.
Ao longo de máis de duascentas fotografías este libro percorre lugares, desde a perspectiva do tempo, cos que podemos deleitarnos. Constitúen un conxunto de chamativas composicións que invitan a unha viaxe chea de contrastes que transcorre desde o Medievo ata o século XXI, amosándonos a transformación de Santiago de Compostela sen perder a súa indubidable riqueza histórico cultural.
Unha publicación que invita a transitar desde a cidade monumental á puxante urbe dinámica e moderna que é hoxe a capital galega, destacando a súa harmonía e complementariedad
